CLXXXIX.

1344, November 16. Neisse.

Bischof Preczlaw von Breslau überweist dem Kloster gewisse Jahreseinkünfte von seinen Erbgütern unter der Bedingung, dass nach seinem Tode in der Kirche zu Michelau ein Jahrgedächtniss gehalten werde.

In nomine domini amen. Noverint universi presentium notitiam habituri, quod nos Precz­laus dei gracia episcopus Wrat. temporalibus incomodis pressi ad eterne felicitatis solacia consideracionis nostre aciem erigentes, et locum seu monasterium Cysterciensis ordinis in Kamencz nostre dyocesis, dudum per nostros progenitores bone memorie fundatum et dotatum, honorare et ampliare temporalibus cupientes, viris religiosis . . abbati et conventui eiusdem monasterii censum sive redditus in bonis nostris patrimonialibus, in locis infrascriptis pro remedio nostre et nostrorum progenitorum animarum, tenore presentium damus, donamus, et liberaliter assignamus, singulis annis perpetuis temporibus in festo beati Martini episcopi percipiendum et tollendum seu tollendos per . . magistrum curie et . . fratres dicti monasterii, qui pro nunc stant vel pro tempore stabunt in Mychalow, quibus eiusdem census seu redditumu perceptionem et usufructum perpetuo applicamus, videlicet in vel de molendino Cruciferorum circa Ruschow sito, quinque fertones et duos scotos item in vel de taberna in Alczenow unam marcam, item in Pogorella in duobus mansis circa dotem proximis quatuor mensuras tritici et in tertio manso scilicet Alberti duas mensuras tritici et in manso Wernheri duas mensuras et in duobus mansis Conradi carnificis et Hanconis dicti Drelicz quatuor mensuras et in uno manso Johannis de Lidlin duas mensuras at in dimidio manso Wernheri unam mensuram tritici; sic tamen, quod postquam ab hac luce ad omnipotentis dei misericordiam migraverimus, anniversarius obitus nostri octo diebus continuo singulis annis perhenniter celebretur per fratres in Michelow predictos ac una dimidia, marca, de dicto censu pro fratrum ibidem in Mychelow stantium pitantia integraliter expendatur. Et ne per quempiam inposterum nostre donationis disposicio aliqualiter inpediri valeat vel infringi, presentes scribi litteras in huius rei testimonium sigillique nostri episcopalis iussimus munimine roborari. Actum et datum in Nysa in curia episcopali XVI. Kalendas Decembris anno domini M°.CCC°.XL quarto; presentibus honorabilibus viris dominis: Johanne archidiacono Glogoviensi, Ottone de Donyn, Petro scolastico ecclesie sancte Crucis Wrat., Conrado plebano in Thurow, Nicolao de Lemberc procuratoribus nostris et aliis pluribus fidedignis.

Or. Perg. Siegel fehlt.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.